Народен екуменизам

 „Екуменизам на светителите – тоа е извонредна прилика за дијалог во Црквата“, така кардиналот Курт Кох кој е претседател на папскиот Совет за унапредување на христијанското единство, ја прокоментира масовната посетеност при дочекот на моштите на Св. Никола во Русија. На моштите се поклонија повеќе од 2 милиони верници. Кардиналот тоа го нарече „голем екуменистички настан“, бидејќи, според неговите зборови, почитувањето на светите реликвии „може да помогне и верниците да се вклучат во дијалогот“.  

„Добро е кога се среќаваат претставници на Црквата (обратете внимание, Курт Кох не говори за Цркви, туку за Црква, во еднина – заб. „Борба за веру“), но многу е важно тоа да го прават и верниците“ – пренесува Радио Ватикан.
 
Римокатолиците и правосланите екуменисти одржаа заеднички молебен над моштите на Св. Никола пред нивното враќање во Италија.
 
 Митрополитот Иларион (Алфеев) потсетува дека ова стана возможно благодарение на историската средба помеѓу патријархот Кирил и папата Фрањо во фебруари 2016 г. во Хавана. За носењето на моштите тој вели: „Ова е прв случај во нашите билатерални односи со учество на рускиот народ“ (подвлечено од „СВЕТА РЕВНОСТ“). 
Присуството на кардиналот Петро Паролини во Русија и дневниот ред на преговори, сведочи за добриот правец во односите помеѓу Русија и Ватикан, а исто така и помеќу Руската Православна и Римокатоличката црква, смета шефот на Оделението за надворешни црковни врски на Московска патријаршија, митрополитот волоколамски Иларион.

Преземено од „Борба за Веру“.

Превод и подготовка: „СВЕТА РЕВНОСТ“.

Напишете коментар

Вашата адреса за е-пошта нема да биде објавена. Задолжителните полиња се означени со *