Екуменизам: За 7 Јули закажано е единството на источната и западната традиција

Ватиканската служба за информирање ја објави програмата на еднодневната посета на папата Фрањо во италијанскиот град Бари по повод Ден на молитва за мир на Блискиот Исток.

Утрото на 7 јули, понтифот ќе го напушти Ватикан со хеликоптер, а во 8 часот и 15 минути ќе допатува во престолнината Апулија. На локалниот плоштад „Кристофор Колумбо“ ќе се одржи поздравна церемонија со учество на црковните и цивилни власти. Потоа, „Епископот на Рим“ ќе се упати во базиликата Св. Николај Чудотворец каде што ќе се сретне со патријарсите – поглавари на Источните христијански цркви, кои папата лично ќе ги пречека на влезот на светилиштето.

Според програмата, во 8 часот и 45 минути папата Фрањо и патријарсите ќе се помолат кај моштите на Св. Николај во криптата на базиликата и ќе запалат кандило со маслиново масло кое се состои од два резервоара а еден фитил: ова кандило направено е во вид на брод што го симболизира единството на источната и западната традиција.

Во 9 часот и 15 минути, иерарсите ќе учествуваат во екуменистички молебен на градскиот брег на Јадранското море. По молитвата, христијанските лидери ќе се врата во базиликата Св. Николај за приватен разговор. Во 13 часот и 30 минути планиран е ручек во резиденцијата на надбискупот на Бари.

Средбата со патријарсите ќе биде завршена во 15 часот и 30 минути, а во 16 часот папата ќе биде на прослава со граѓанските власти.

Враќањето во Ватикан планирано е за во 17 часот и 15 минути, соопшти vaticannews.

Превод: СВЕТА РЕВНОСТ.

Превземено од „Борба за веру“.

Напишете коментар

Вашата адреса за е-пошта нема да биде објавена. Задолжителните полиња се означени со *